28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
Նիկոլ Փաշինյանը ՊՆ-ում փակ հանդիպում է ունենալու
Քաղաքականություն
24.03.2019 | 22:27
Վաղը ՀՀ վարչապետ Նիկոլ Փաշինյանն աշխատանքային փակ հանդիպում է ունենալու Պաշտպանության նախարարությունում: Տեղեկությունը Factor.am-ի հետ զրույցում հաստատեց պաշտպանության նախարարի մամուլի խոսնակ Արծրուն Հովհաննիսյանը:
Նա հանդիպման մասին այլ մանրամասներ չներկայացրեց: Մեր հարցին ի պատասխան նշեց, որ վաղը մանրամասներ կհաղորդվեն:
Factor.am-ի հարցին՝ արդյոք վարչապետի գլխավորությամբ ՊՆ-ում անցկացվելիք վաղվա փակ հանդիպումը կապ ունի՞ Մեղրիի զորամասերից մեկում տեղի ունեցած դեպքերի հետ, Արծրուն Հովհաննիսյանը բացասական պատասխան տվեց:
Հիշեցնենք, որ Մեղրիի զորամասերից մեկում զինծառայողներն ինքնակամ լքել են զորամասը՝ այդպիսով հայտնելով իրենց բողոքը: Դրանից հետո մի խումբ զինծառայողների մարտի 17-ին տեղափոխել են Կապանի, ապա Ստեփանակերտի կարգապահական զորամասեր, որտեղից էլ այնուհետև տարել են առաջնագիծ:
Նարեկ Կիրակոսյան
