29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Եվրամիությունը հավանություն է տվել Brexit-ի հետաձգմանը
Քաղաքականություն
22.03.2019 | 20:51
ԵՄ ղեկավարների հետ բանակցություններից հետո Մեծ Բրիտանիայի վարչապետ Թերեզա Մեյին հավելյալ երկու շաբաթ է տրվել՝ Brexit-ի համար լուծում առաջարկելու նպատակով։ Այս մասին հայտնում է BBC-ն։
«Եթե Մեյը հաջորդ շաբաթ խորհրդարանի միջոցով կարողանա հասնել Բրեքսիթին, ապա ժամկետը կերկարացվի մինչև մայիսի 22-ը, որպեսզի ժամանակ տրվի ընդունել համապատասխան օրենսդրությունը։ Իսկ եթե Մեյին չհաջողվի համաձայնագրի ընդունմանը հասնել, Մեծ Բրիտանիան ստիպված կլինի առաջարկել Բրեքսիթը մինչև ապրիլի 12-ը հետաձգելու տարբերակը, որպեսզի ԵԽ-ն հարցն ուսումնասիրի»,- հայտարարել է Եվրախորհրդի նախագահ Դոնալդ Տուսկը։
Դոնալդ Տուսկն ընդգծել է, որ բրիտանական կառավարությունը դեռ Բրեքսիթի համաձայնագիրը կնքելու կամ չկնքելու, 50-րդ հոդվածը երկարաձգելու կամ ուժը կորցրած ճանաչելու ընտրության հնարավորություն ունի։
Թերեզա Մեյը բացառել է 50-րդ հոդվածի վերացումը և հավելել, որ «ճիշտ չի լինի խնդրել բրիտանացիներին՝ մասնակցել Եվրոպական խորհրդարանի մայիսի 23-26-ի ընտրություններին» այն բանից հետո, երբ երեք տարի առաջ նրանք քվեարկել են Եվրամիությունից դուրս գալու օգտին։
Նելլի Մելքոնյան
