14.01.2025 | 16:41
Սիրիայի ԱԳՆ, ՊՆ և հետախուզության ղեկավարները հունվարի 15-ին Թուրքիա կայցելեն
Մինչև ավելի լավ պայմաններ չստեղծենք, Մոնթե Մելքոնյան վարժարանը չի տեղափոխվի Դիլիջանից. Գաբրիել Բալայան. ՏԵՍԱՆՅՈՒԹ
Հասարակություն
22.03.2019 | 15:07
Մարտական հերթապահություն իրականացնող ժամկետային զինծառայողների ծառայության ժամկետի նվազեցման հարցը քննարկման փուլում է: Այսօր ԱԺ-ում լրագրողների հետ զրույցում ասաց ՀՀ պաշտպանության նախարարի տեղակալ Գաբրիել Բալայանը:
«Դա կապված է մի շարք հանգամանքների հետ, երեկ պաշտպանության նախարարն էլ հայտարարեց: Ես ձեռնպահ կմնամ կոնկրետ ժամկետներ նշելուց, միայն պետք է մի նախապայման նշեմ՝ միտումն այն է, որ առաջնագծում ծառայեն բացառապես առողջ շարքային կազմի պարտադիր ժամկետային զինծառայողները: Սա առաջին քայլն է այդ քննարկումների համատեքստում: Մենք փորձելու ենք գտնել այդ հնարավորությունը, որպեսզի առողջները ծառայեն ավելի կարճ ժամկետով՝ իրականացնելով մարտական խնդիրներ, նրանք, ովքեր սահմանափակումներ ունեն, բայց պիտանի են ծառայության, կատարեն այլ գործառույթներ՝ մի քիչ ավելի երկար ժամկետով, քան առաջնագծում ծառայողները»,- նշեց փոխնախարարը:
Անդրադառնալով Մոնթե Մելքոնյանի ռազմամարզական վարժարանի՝ Դիլիջանում հատկացված տարածքից տեղափոխվելու մասին հարցին՝ Գաբրիել Բալայանն ասաց. «Մինչև ավելի լավ պայմաններ չստեղծենք, Մոնթե Մելքոնյան վարժարանը չի տեղափոխվելու»:
Մանրամասները՝ տեսանյութում:
Մհեր Արշակյան
