14.01.2025 | 16:47
Ավինյանը հոր՝ «Օպել»-ի վարորդներին «համբալ» ասելուց հետո հրաժարական չտալու մասին․ ՏԵՍԱՆՅՈՒԹ
«Շահառուներին առաջարկվող պայմանները փոփոխման ենթակա չեն». Արսեն Քարամյան. ՏԵՍԱՆՅՈՒԹ
Հասարակություն
22.03.2019 | 11:46
«Վերածնունդ» երիտասարդական ավանի շահառուներին առաջարկվող պայմանները փոփոխման ենթակա չեն: Ավանի հիմնարկեքի արարողության ժամանակ լրագրողների հետ զրույցում այս մասին ասաց «ԵՊՀ շրջանավարտների միավորում» ՀԿ նախագահ Արսեն Քարամյանը: Համանման նախորդ ծրագրերի համեմատ՝ վարկավորման պայմաններն այս անգամ, ըստ Քարամյանի, մի փոքր վատացել են. «Բայց դա մեզնից անկախ պատճառներով է տեղի ունեցել: Նախկինում առանձին ֆինանսական գործիք էր կիրառվում, և մեր ծրագրերի համար շահառուները որոշակի մեղմ պայմաններ էին ստանում, վերաֆինանսավորման գործիք կար: Ցավոք, հիմա այն այլևս չկա»:
Ինչ վերաբերում է բնապահպանների հնչեցրած մտահոգություններին, Քարամյանի խոսքով՝ բնապահպանական տեսանկյունից բոլոր փաստաթղթերն առկա են:
«Մենք անցել ենք շրջակա միջավայրի վրա ազդեցության փորձաքննությունը և որևէ խնդիր այստեղ լինել չի կարող: Բոլոր նրանք, ովքեր կարծում են, որ այստեղ բնապահպանական խնդիր կա, ուղղակի զբաղված են պարզ շահարկմամբ»,- հավելեց Արսեն Քարամյանը:
Մանրամասները՝ տեսանյութում:
Նելլի Մելքոնյան
