12.11.2024 | 23:27
Գրետա Թունբերգը ժամանել է Հայաստան
ԱՄՆ նախագահի թեկնածու Թուլսի Հաբբարդը կոչ է արել ճանաչել Հայոց ցեղասպանությունը
Քաղաքականություն
21.03.2019 | 15:27
ԱՄՆ Կոնգրեսի անդամ, նախագահի թեկնածու Թուլսի Հաբբարդը Հայոց ցեղասպանության հարցում արդարության կոչ է արել, ինչպես նաև խոստացել աջակցել Հայաստանի և Արցախի անվտանգությանն ու բարգավաճմանը:
Տեսաուղերձում, որը հրապարակել է ԱՄՆ Հայ դատի հանձնախումբը, Հաբբարդը նշել է, որ շնորհակալ է 2017-ին Հայաստան և Արցախ այցելելու հնարավորության համար, որտեղ կարողացել է ավելի լավ հասկանալ հայ ժողովրդի առջև ծառացած մարտահրավերներն ու հնարավորությունները:
Կոնգրեսի անդամը նաև աջակցություն է հայտնել ԱՄՆ-ի դերակատարությանը՝ որպես ԵԱՀԿ Մինսկի խմբի միջնորդ պետություն, սակայն նշել է, թե սա չի նշանակում, որ ԱՄՆ-ն բացահայտ չի խոսելու, երբ կողմերից որևէ մեկը խախտի հրադադարի մասին պայմանագիրը:
«Անաչառ միջնորդի հեղինակությունը պահպանելու համար ԱՄՆ-ն չպետք է առաջ տանի բանաձևը, որ հիմնված է միայն Հայաստանի և Արցախի կողմից անհապաղ և մշտական զիջումների վրա՝ առանց Ադրբեջանի կողմից համարժեք զիջումների: Ու թեև տարածքային ամբողջականության սկզբունքի հարգումը պետք է պահպանվի, մենք պետք է պաշտպանենք նաև բոլոր ժողովուրդների ինքնորոշման իրավունքը»,- ասել է Թուլսի Հաբբարդը:
