21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Նոր տոն՝ օրացույցում․ Հայաստանում կնշվի քաղաքացու օրը․ ՏԵՍԱՆՅՈՒԹ
Քաղաքականություն
21.03.2019 | 13:41
Արդարադատության նախարար Արտակ Զեյնալյանը այսօր՝ մարտի 21-ին, գործադիրի հավանությանը ներկայացրեց որոշման նախագիծ, որով առաջարկվում է լրացում կատարել «Տոների և հիշատակի օրերի մասին» ՀՀ օրենքում։
Ըստ նախագծի հիմնավորման՝ օրենքում լրացում կատարելու անհրաժեշտությունը պայմանավորված է 2018 թվականի ապրիլին Հայաստանում տեղի ունեցած աննախադեպ քաղաքական իրավիճակով:
Տեղի ունեցած ոչ բռնի խաղաղ գործողություններով ուղեկցված բողոքի ցույցերը, հանրահավաքները ընդգրկել էին մայրաքաղաք Երևանը, մարզերի քաղաքներն ու գյուղերը, ինչպես նաև միջպետական և միջքաղաքային ավտոճանապարհները և քաղաքացիների համակարգային փոփոխությունների, որակական, խորքային բարեփոխումների հանրային պահանջի վկայությունն էին:
Համաժողովրդական շարժման արդյունքներից մեկը եղավ վարչապետի հրաժարականը և համաժողովրդական շարժման հաղթանակը, ուստի առաջարկվում է հայոց պատմության մեջ նոր էջ բացած Հայաստանի Հանրապետության հազարավոր քաղաքացիների կողմից իրականացված համաժողովրդական շարժման առիթով սահմանել Հայաստանի Հանրապետության քաղաքացու օր:
Ըստ նախագծի՝ ՀՀ քաղաքացու օրը կնշվի ապրիլի վերջին շաբաթ օրը: Այն դեպքում, երբ մայիսի 1-ը կհամընկնի շաբաթ օրվա հետ, ապա որպես Հայաստանի Հանրապետության քաղաքացու օր կնշվի ապրիլի վերջին կիրակի օրը։
Որոշման նախագիծն ընդունվեց։
Մանրամասները՝ տեսանյութում։
Աղավնի Սուքիասյան
