14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Կա դպրոց, որն ունի 1 աշակերտ և որի վրա ծախսում ենք 19 մլն դրամ, նա աշխարհի ամենաթանկարժեք աշակերտն է. նախարար. ՏԵՍԱՆՅՈՒԹ
Հասարակություն
20.03.2019 | 17:48
Գեղարքունիքի մարզում կա մեկ դպրոց, որն ունի մեկ աշակերտ, և որի վրա մենք ծախսում ենք տարեկան 19 մլն դրամ: Նա, թերևս, աշխարհի ամենաթանկարժեք աշակերտն է: ԱԺ կրթության, գիտության, մշակույթի, սփյուռքի, երիտասարդության և սպորտի մշտական հանձնաժողովի նիստում 2018 թվականի կատարողականների քննարկման ժամանակ ասաց ԿԳ նախարար Արայիկ Հարությունյանը:
«Ընդ որում՝ այս աշակերտին բերել են լրիվ այլ մարզից, որ դպրոցը կարողանան պահել»,- ասաց նախարարը՝ նշելով, որ հիմա մարզպետի հետ քննարկում են խնդիրը լուծելու տարբերակները: «Հիմա մենք քննարկումն ենք այն հարցը, որ եթե այս աշակերտը մնալու է, մենք կարող ենք նրան շքեղ մեքենա գնել, թանկարժեք վարորդ վարձել, ավելի էժան կնստի, քան այն, ինչպես մենք հիմա ֆինանսավորում ենք»,- ասաց նա:
Արայիկ Հարությունյանի խոսքով՝ մարզային համայնքներում նման խնդիրը լուծելու տարբերակներ են քննարկվում ու, թերևս, ամենաարդյունավետը հարակից համայնքների աշակերտների միավորումն է: «Կան բազմահամակազմ դասարաններ, երբ հինգերորդ և վեցերորդ դասարանները միացված են մեկ դպրոցում, և ընդամենը մեկ կիլոմետր հեռավորության վրա են: Պետք է աշխատենք, որ մեկ դպրոցի հինգերորդ դասարանի աշակերտները գնան մեկ դպրոց, նրանց դպրոցի վեցերորդ դասարանի աշակերտները՝ մյուս դպրոց: Ուսուցիչների, ծնողների հետ պետք է աշխատենք, որ լիարժեք դասարան ձևավորենք, որ լիարժեք կրթություն կարողանանք տալ»,- ասաց նախարարը:
Մանրամասները՝ տեսանյութում:
Նարեկ Կիրակոսյան
