17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Տոկաևն առաջարկել է Ղազախստանի մայրաքաղաքը Նազարբաևի անունով կոչել
Քաղաքականություն
20.03.2019 | 13:58
Ղազախստանի նախագահի լիազորությունները ստանձնած Քասըմ-Ժոմարտ Տոկաևն առաջարկել է մայրաքաղաք Աստանան վերանվանել Նուրսուլթան Նազարբաևի անունով: Այս մասին գրում է «Ինտերֆաքս»-ը:
«Մենք պետք է հավերժացնենք նրա անունը: Առաջարկում եմ Ղազախստանի Հանրապետության առաջին նախագահ Նուրսուլթան Նազարբաևի անունը հավերժացնել հետևյալ կերպ. մեր մայրաքաղաքը պետք է կրի մեր նախագահի անունը և կոչվի Նուրսուլթան»,- երդման արարողությունից հետո հայտարարել է Տոկաևը:
Բացի այդ՝ նա կարծում է, որ Ղազախստանի մարզային կենտրոնների կենտրոնական փողոցները նույնպես պետք է կրեն Նազարբաևի անունը, իսկ Աստանայում պետք է նրա հուշարձանը կանգնեցվի:
Հիշեցնենք, որ Նուրսուլթան Նազարբաևը նախագահի պաշտոնից հրաժարվելու մասին հայտարարեց մարտի 19-ին: Նա, սակայն, կշարունակի գլխավորել երկրի Անվտանգության խորհուրդը: Նախագահի լիազորություններն այսօր ստանձնեց Ղազախստանի Սենատի խոսնակ Քասըմ-Ժոմարտ Տոկաևը:
