22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Ուտրեխտի հրաձգությանը մասնակցության մեջ կասկածվող ևս մեկ ձերբակալված կա
Քաղաքականություն
20.03.2019 | 11:46
Նիդեռլանդների ոստիկանությունը հայտարարել է ևս մեկ անձի ձերբակալության մասին, որին կասկածում են Ուտրեխտ քաղաքում հրաձգությանը մասնակցության մեջ: Այս մասին գրում է ՏԱՍՍ-ը՝ վկայակոչելով AP-ն:
Միջադեպին 40-ամյա տղամարդու մասնակցության հանգամանքները ճշտվում են:
Մինչ այդ Ուտրեխտի քաղաքապետը տեղեկացրել էր, որ միջադեպի հետ կապված մի քանի կասկածյալ ձերբակալվել է, ավելի ուշ՝ ազատ արձակվել: Անազատության մեջ է շարունակում մնալ հարձակվողը՝ թուրքական ծագմամբ 37-ամյա Գյոքմեն Թանըշը:
Հիշեցնենք, որ մարտի 18-ին տղամարդն Ուտրեխտի 24 Oktoberplein կանգառի մոտակայքում կրակ էր բացել տրամվայի մեջ: Պատահարի հետևանքով 3 մարդ զոհվել է, 5-ը՝ տուժել:
Տեղական իշխանությունները հաղորդել են, որ 37-ամյա տղամարդն ավելի վաղ դատապարտված է եղել գողության, սպանության փորձի, բռնաբարության համար: Ենթադրվում է, որ տրամվայում կրակ բացելուց հետո նա դեպքի վայրից փախուստի է դիմել Renault Clio ավտոմեքենայով: Մեքենան գտել են քաղաքի փողոցներից մեկում, դրանում՝ նամակ, որում Թանըշը նշել է հանցագործության ահաբեկչական շարժառիթների մասին:
