10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Չունենք հասարակ մի լանցետ, անմխիթար է վիճակը․ Միջնատունի բուժքույր Կարինե Խաչատրյան. ՏԵՍԱՆՅՈՒԹ
Հասարակություն
19.03.2019 | 16:20
Արագածոտնի մարզի Միջնատուն գյուղի բուժկետում հիվանդներին սպասարկելու տարրական պայմաններ չկան: Գյուղի բուժքույր Կարինե Խաչատրյանն ասում է՝ ամեն օր գյուղ աշխատանքի է գնում սեփական մեքենայով, սեփական ծախսով. «Ճանապարհը ես հասնում եմ 15 րոպեում, բայց շտապօգնության մեքենան այնտեղ է հասնում 40 րոպեում»:
Կարինե Խաչատրյանի խոսքով՝ բուժկետը տեղակայված է տնակում: «Այդ դոմիկը՝ տնակը, գյուղապետարանն է, որտեղ մի անկյունում կարողանում ենք բժշկական ծառայություն մատուցել: Այնտեղ ոչ մի պայման չունեմ, հասարակ մի սենյակ չունեմ, որտեղ կարելի է նորմալ առաջին բուժօգնություն տրամադրել: Ուղղակի անմխիթար վիճակ է: Հասարակ լանցետ չունենք, աթոռներ չունենք, որտեղ հիվանդները կարող են նստել, սպասել իրենց հերթին»,- պատմեց բուժաշխատողը:
Նրա խոսքով՝ եղանակային պայմանների պատճառով երբեմն ճանապարհները փակվում են, դեպքեր են եղել, երբ հիվանդին փրկարարների օգնությամբ են գյուղից դուրս բերել. «Ստացվում է, որ մենք նաև հեռախոսով ենք հիվանդին խորհուրդներ տալիս՝ ինչ անի, մինչև փրկարարը հասնի»:
Մանրամասները՝ տեսանյութում:
Ռոբերտ Անանյան
