02.07.2026 | 16:20
Կալլասը խոստանում է ԵՄ նոր պատժամիջոցներ ՌԴ-ի նկատմամբ՝ Կիևին ռուսական հարվածներից հետո
Մեր կառավարության օրոք ռոբոտ դատավորը չի դատելու մարդուն. Արտակ Զեյնալյան. ՏԵՍԱՆՅՈՒԹ
Հասարակություն
19.03.2019 | 13:35
«Հրապարակային դատաքննություն երևույթը շարունակվելու է գոյություն ունենալ՝ անձինք շփվելու են դատավորի հետ, և մարդն է դատելու մադուն, բայց հաշվի առնելով նաև նախադեպային իրավունքը, հաշվի առնելով տարբերություններն ու նյուանսները։ Ռոբոտը որևէ մեկին չի դատապարտի ազատազրկման։ Ես դա խոստանում եմ՝ մեր կառավարության օրոք նման բան չի լինելու»,- խոսելով էլեկտրոնային արդարադատության մասին՝ այսօր Ազգային ժողովի պետաիրավական մշտական հանձնաժողովի նիստում հայտարարեց արդարադատության նախարար Արտակ Զեյնալյանը։
Ի պատասխան պատգամավորներից մեկի հարցի՝ նա նշեց, որ Կառավարությունն իր ծրագրով չի ստանձնել անցումային արդարադատության իրականացման պարտավորություն, հետևաբար, կառավարությունն այդ մասով հաշվետվություն չի տա։ Խոսելով դատավորների՝ փաստաբանական դպրոցում սովորելու մասին, նախարար Զեյնալյանն ընդգծեց, որ դրա անհրաժեշտությունը կա․ «Ես ինքս դասավանդել եմ այդ դպրոցում, ունեցել եմ ունկնդիր դատավորներ, դատախազներ, գիտությունների թեկնածուներ, ապագա պատգամավորներ, և տեսել եմ, որ այդ կրթության կարիքը իրոք կա»։
Մանրամասները՝ տեսանյութում:
