03.09.2026 | 20:14
Վահագն Խաչատուրյանն ու Միլոշ Վիստերչիլը քննարկել են հայ-չեխական հարաբերությունների զարգացումը
Եթե այդ սրճարանն իմ եղբորինը լիներ, իմ վերաբերմունքը չէր փոխվի. Նիկոլ Փաշինյանը՝ Միքայել Մինասյանի սրճարանն ապամոնտաժելու մասին. ՏԵՍԱՆՅՈՒԹ
Հասարակություն
19.03.2019 | 13:09
Այսօր հրավիրված մամուլի ասուլիսի ժամանակ վարչապետ Նիկոլ Փաշինյանից լրագրողը հետաքրքրվեց՝ ինչո՞վ էր պայմանավորված Օպերային հարակից տարածքների երկու սրճարանների ապամոնտաժումը, երբ դրանցից մեկը պատկանում էր Վատիկանում ՀՀ-ի նախկին դեսպան Միքայել Մինասյանին։ «Անձնավորվա՞ծ էր»,- հարցրեց լրագրողը, ինչին ի պատասխան Փաշինյանն ասաց․
«Ես կարող եմ ասել հետևյալը, ինչպես դատարանների դեպքում էր, այս դեպքում ևս՝ էնպես չէ, որ ինձ բերում են քարտեզը, և ես խաչ եմ քաշում սրճարանների վրա։ Որքանով ես տեղյակ եմ, այստեղ կա իրավական խնդիր։ Այն դեպքերում երբ քաղաքապետարանը կարողացել է պայմանագրերը լուծել միակողմանի, լուծել է, իսկ այն դեպքերում, երբ որոշակի այլ իրավական ձևակերպումներ են եղել, դիմել է դատարան։ Կարող եմ հավաստիացնել, որ երբ իրավական հնարավորություն կլինի՝ սկսել գործընթաց և տարածքը ազատել սրճարաններից, բոլոր դեպքերում համապատասխան որոշումները կկայացվեն։ Եկեք բացառենք այդպիսի մոտեցումները, եթե նույնիսկ այդ սրճարաններից մեկն իմ հարազատ եղբորինը լիներ, դրանից իմ վերաբերմունքը չէր փոխվի»։
Մանրամասները՝ տեսանյութում։
Նարեկ Կիրակոսյան
