02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
Հայաստանի կառավարության հետ քննարկվում է 2,7 մլրդ դոլարի 89 ներդրումային ծրագիր. Նիկոլ Փաշինյան․ ՏԵՍԱՆՅՈՒԹ
Քաղաքականություն
19.03.2019 | 12:31
2019 թվականի փետրվարին, 2018-ի նկատմամբ, Հայաստանում հիպոթեքային վարկավորման ծավալն աճել է 100 տոկոսով: Այս մասին այսօր մամուլի ասուլիսին հայտարարեց ՀՀ վարչապետ Նիկոլ Փաշինյանը: «Մեր կառավարության կողմից իրականացվող ծրագրերի շրջանակներում աճը կազմել է 145 տոկոս, ու այսօրվա դրությամբ, երկրում վարկավորման ծավալն աճել է 30 տոկոսով ու մասնագետների գնահատմամբ սա ահռելի աճ է»,- ասաց նա:
Նիկոլ Փաշինյանը նշեց, որ ուզում է նկարագրել այն շղթան, որով այս թվերը պետք է ազդեցություն ունենան կյանքի վրա: «Սա իր հերթին բերելու է նոր աշխատատեղեր, սա, կարծում եմ, շատ կարևոր ցուցանիշ է, որը բերելու է գործազրկության կրճատմանը, նոր աշխատատեղերի բացմանը»,- ասաց ՀՀ վարչապետը:
Նա տեղեկացրեց նաև, որ այս պահին առկա է 89 ներդրումային ծրագիր 2.7 միլիարդ ԱՄՆ դոլարի ծավալով: «Այդ ծրագրերից 42-ը՝ 774 մլն ԱՄՆ դոլար ծավալով, գտնվում են իրականացման տարբեր փուլերում»,- ասաց Նիկոլ Փաշինյանը:
Նա անդրադարձավ նաև մարտի 23-ին կայանալիք համապետական մաքրությանը: «Ես ինքս էլ մասնակցելու եմ, կմասնակցեմ նախապես չհայտարարված որևէ բնակավայրում, վիզուալ առումով ամենամեծ պրոբլեմներից մեկը աղբի համատարածության պրոբլեմն է: Կհամարեմ, որ երկրում հեղափոխական փոփոխություններ են եղել, երբ որ մեր երկիրը ազատենք աղբից»,- ասաց Նիկոլ Փաշինյանը:
Մանրամասները՝ տեսանյութում։
Նարեկ Կիրակոսյան
