09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Փոխվարչապետ Մհեր Գրիգորյանը սաբոտաժ է անում մեր տնտեսության դեմ. «Հայ կոլայի» գործադիր տնօրեն. ՏԵՍԱՆՅՈՒԹ
Տնտեսություն
18.03.2019 | 11:00
Կառավարության շենքի առջև այսօր՝ մարտի 18-ին գազավորված ըմպելիքներ արտադրող ընկերությունների ներկայացուցիչները կրկին բողոքի ակցիա են կազմակերպել: Հիշեցնենք, որ նրանք բողոքում են գազավորված ըմպելիքներն ակցիզային հարկով հարկելու դեմ:
«Հայ Կոլա» ընկերության գործադիր տնօրեն Տիգրան Հովսեփյանը տեղեկացրեց, որ անցյալ շաբաթ հանդիպել են ֆինանսների փոխնախարար Արման Պողոսյանի հետ, շուրջ 2.5 ժամ բանակցել: «Արման Պողոսյանը լսել է մեր մտահոգությունները և, կարծես, հասկացել, որ մենք կանգնած ենք փակման եզրին ու դառնալու ենք գործազուրկ»,- ասաց նա՝ հավելելով, որ հետո խնդիրը, այնուամենայնիվ, չի լուծվել:
Տիգրան Հովսեփյանն ասաց, որ մի շաբաթ է՝ իրենց բնականոն աշխատանքը թողած՝ այս խնդրով են զբաղվում. «Եթե պետությանը ձեռք է տալիս, որ մենք այսօր գործադուլ անենք, մեր ապրանքը չվաճառվի և չվճարենք ԱԱՀ, ի՞նչ ասեմ: Ես արդեն տեսնում եմ հատուկ միտում, որ կատարվում է սաբոտաժ: Ֆինանսական բլոկը, որ համակարգում է փոխվարչապետ Մհեր Գրիգորյանը, կատարում է սաբոտաժ մեր տնտեսության նկատմամբ»:
Մանրամասները՝ տեսանյութում:
Լիլիթ Շաբոյան
