18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Այս մարդիկ հեղափոխություն չեն արել, որ մնան գործազուրկ. «Հայ կոլայի» գործադիր տնօրեն. ՏԵՍԱՆՅՈՒԹ
Հասարակություն
18.03.2019 | 11:14
Այս հեղափոխությունը նրա համար չէր արվում, որ շուկան գնա գերմոնոպոլիզացման, իսկ դա բոլոր ոլորտներում է արվում: Լրագրողների հետ զրույցում այս մասին ասաց Կառավարության շենքի առջև գազավորված ըմպելիքներն ակցիզային հարկով հարկելու դեմ բողոքի ակցիայի դուրս եկած «Հայ կոլա» ընկերության գործադիր տնօրեն Տիգրան Հովսեփյանը:
«Բոլոր ոլորտներում է դա արվում՝ բանկերն էլ է նույն խնդիրը, գրավատներն էլ, և ես հասկանում եմ, որ սա առաջացել է ֆինանսական բլոկի կողմից: Ուզում եմ հասկանալ՝ ինչի՞ համար են սա անում, որ տնտեսությունում մնա 2-3 գլխավոր խաղացող, մեզ շուկայից վերացնե՞ն»,- ասաց նա:
Տիգրան Հովսեփյանի պնդմամբ՝ այս որոշման արդյունքում ընկերություններ կսնանկանան, բազմաթիվ մարդիկ գործազուրկ կդառնան: «Մեր կազմակերպությունում 100 հոգի հաստատ գործազուրկ է դառնալու, որովհետև եթե ապրանքը 30 տոկոսի չափով թանկանա, մեր սպառումը կնվազի մոտ 40 տոկոսով, և այդ սպառումից մենք չենք կարողանա որևէ հարց լուծել: Մանավանդ՝ մեր ապրանքի մեջ մարժան շատ քիչ է: Այսինքն՝ մենք կկանգնենք սնանկացման եզրին: Մենք որոշել ենք պարբերաբար այս հարցը բարձրացնել, մինչև լուծվի»,- հավելեց «Հայ կոլայի» տնօրենը:
Մանրամասները՝ տեսանյութում:
Լիլիթ Շաբոյան
