03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Boeing-ը ներկայացրել է պատմության մեջ ամենաերկար մարդատար ինքնաթիռը. CNN
17.03.2019 | 18:00
Boeing ընկերությունը մասնակիցների նեղ շրջանակի համար անցկացրել է աշխարհում ամենաերկար մարդատար ինքնաթիռի՝ Boeing 777X նորագույն օդանավի շնորհանդեսը։ Այս մասին, ինչպես փոխանցում է ՏԱՍՍ-ը, հայտնել է CNN հեռուստաընկերությունը։
«Մարտի 13-ին առաջին Boeing 777X-ը ներկայացվել է ընկերության աշխատակիցներին Էվերեթ քաղաքի լայնաֆյուզելաժ ինքնաթիռների արտադրության գործարանի տարածքում»,- նշել է հեռուստաալիքը։
Ավիաարտադրողի տվյալներով՝ նոր օդանավի երկարությունը 77 մ է, թևերի բացվածքը՝ 72 մետր։ Boeing 777X-ը կդառնա նաև երկու շարժիչ ունեցող ամենամեծ մարդատար ինքնաթիռը։
Նորագույն օդանավի բազային մոդելը կլինի Boeing 777X-ը, որը կարող է ընդունել 400- 425 ուղևոր։ Բազային մոդելի թռիչքի հեռավորությունը կկազմի ավելի քան 14 հազ. կիլոմետր
