24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
«Դանակն արդեն ոսկորին է հասել». Երվանդ Վարոսյանը՝ փաստաբանների հնարավոր գործադուլի մասին
Հասարակություն
18.08.2017 | 19:39
50-ից ավելի փաստաբան հնարավոր է գործադուլ հայտարարի՝ դատարաններում կարգադրիչների կողմից, իրենց պնդմամբ, ապօրինի խուզարկությունների հետ կապված: Փաստաբան Երվանդ Վարոսյանը Factor.am-ի հետ զրույցում հայտարարեց՝ «Դանակն արդեն ոսկորին է հասել»:
Հիշեցնենք, որ այս խնդիրն ի հայտ եկավ «Սասնա ծռերի» գործով դատավարությունների մեկնարկին զուգահեռ: Մինչ Դատական դեպարտամենտից պնդում են, որ իրականացնում են օրենքով սահմանված գործողություններ, փաստաբանները հակադարձում են, որ դա խուզարկություն է:
«Քննարկումներ են գնում, 50-ից ավելի փաստաբան արդեն տվել է իր համաձայնությունը՝ գործադուլի հետ կապված, որովհետև դա է ելքը այս պահի դրությամբ: Երբ կհստակեցվի, թե՛ մասնակիցների թիվը, թե՛ դիրքորոշումը, բնականաբար հանրությանը կիրազեկվի»,- ներկայացրեց փաստաբանը:
Հարցին՝ իսկ ո՞րն է ակնկալիքը, նշեց. «Ես կոնկրետ ուզում եմ, որ ապօրինություններին վերջ դրվեն: Եվ էդ ուղղությամբ բոլոր միջոցները պետք է ձեռնարկենք»:
Իսկ, թե ինչ են պատրաստվում անել պահանջին չհասնելու դեպքում, Վարոսյանն ասաց . «Քանի դեռ մենք մեզ համարում ենք Հայաստանի Հնարապետության քաղաքացի ու մեր ապագան կապում ենք Հայաստանի հետ պիտի մշտապես քայլեր ձեռնարկենք ապօրինությունը դադարեցնելու ուղղությամբ»:
Շողիկ Գալստյան
