08.06.2026 | 23:12
Երևանի և 8 մարզի մի շարք հասցեներում էլեկտրաէներգիաայի անջատումներ կլինեն
Միայն իրենց համար է լավ, մեզ համար՝ ոչ. արցախցիները՝ իշխանափոխության մասին. ՏԵՍԱՆՅՈՒԹ
Քաղաքականություն
25.03.2019 | 17:12
2020 թվականին Արցախում նախագահական եւ խորհրդարանական ընտրություններ են: Դեռ մեկ տարի էլ կա ընտրություններին, բայց այստեղ քաղաքական կրքերը թեժանում են:
Նախագահի հավանական թեկնածուներն ու քաղաքական ուժերը հանդիպումներ են սկսել բնակիչների հետ: Առայժմ ակտիվությամբ աչքի են ընկնում օրվա իշխանության մաս կազմող թեկնածուները: Մասնավորապես, Արցախի Անվտանգության խորհրդի քարտուղար Վիտալի Բալասանյանը հայտարարություն է տարածել, որ հանդիպումներ է սկսել քաղաքացիների և այլ ուժերի հետ, նույն գործընթացն է նաև Դաշնակցության Արցախի կառույցում:
«Ազատ հայրենիք» կուսակցությունը նախագահի թեկնածու է ցանկանում առաջադրել նախկին վարչապետ Արայիկ Հարությունյանին: Ընդդիմությունից Սամվել Բաբայանն էլ փորձում է սահմանադրական փոփոխություններ իրականացնել՝ առաջադրվելու համար, իսկ այլ ուժեր հայտարարում են, որ իշխանության վերարտադրությունը կանխելու են:
Factor TV զրուցել է արցախցիների հետ՝ պարզելու համար թեմայի շուրջ նրանց կարծիքը:
Մանրամասները՝ տեսանյութում:
Նարեկ Կիրակոսյան
