Տնտեսություն
14.03.2019 | 13:37Այն, ինչ պարոն Մնացականյանը հիմա անում է Օպերայի բակում, շոու է: Լրագրողների հետ զրույցում ասաց սրճարանների ապամոնտաժման դեմ բողոքող սրճարանատերերից մեկը:
«Երեկ ինքը քանդում ա իմ սրճարանը, ես իրեն մարդավարի լեզվով ասում եմ՝ ես ունեմ հարակից տարածք, տարեք դրեք այդտեղ, ինքը ցուցադրաբար բերում ա բեռնատար, որ իմ ապրանքը դնի բեռնատարը»,- հայտարարեց նա:
Նա պնդում է, որ Կենտրոն համայնքի ղեկավար Վիկտոր Մնացականյանն անձամբ է նախաձեռնել սրճարանների ապամոնտաժումը:
«Ես չեմ արել հեղափոխություն, իմ աշխատողները չեն արել հեղափոխություն, որ էսօր Միշիկի սանիկը գա ու լինի Կենտրոնի թաղապետ: Մենք ընտրել ենք Հայկոյին, մենք ընտրել ենք Նիկոլ Փաշինյանին, բայց մենք չենք ընտրել Միշիկի սանիկին»,- ասաց սրճարանատերը:
Մանրամասները՝ տեսանյութում:
Նելլի Մելքոնյան
