02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
Եթե դե յուրե Արցախի անկախության հարցը շեշտվի, նոր կարելի է բանակցել․ Գագիկ Ծառուկյան. ՏԵՍԱՆՅՈՒԹ
Քաղաքականություն
13.03.2019 | 12:05
Ազգային ժողովի «Բարգավաճ Հայաստան» խմբակցության ղեկավար Գագիկ Ծառուկյանն այսօր խորհրդարանում լրագրողների հետ զրույցում, անդրադառնալով Մինսկի խմբի համանախագահների վերջին հայտարարությանը, ասաց, որ այն միակողմանի հայտարարություն էր, որը չի բավարարում իրենց։
«Ոչ միայն իմ, այլ նաև ԲՀԿ կուսակցության մեկնաբանությունն այն է, որ համանախագահների հայտարարությունը միակողմանի էր, որը չէր բավարարում մեզ և մեր ժողովրդին։ Այն միակողմանի որոշում էր, որը մեզ համար անընդունելի էր»,- ասաց խմբակցության ղեկավարը։
Գագիկ Ծառուկյանը նշեց, որ համանախագահների հայտարարությամբ իրենք չլսեցին այն, ինչ ցանկանում էին և չստացան այն շեշտադրումները, որոնց սպասում էին։
«Դա մեր մասով, Արցախի մասով կիսատ մնաց։ Ալիևը լիարժեք ընդունեց Մինսկի խմբի համանախագահների հայտարարությունը, բայց մեր մասով լիարժեք պատասխանը չկա, որ մենք և Արցախի ժողովուրդը սպասում էինք լիարժեք շեշտադրման, դա չկար։ 29 տարի արցախցին այդ խնդիրը կարգավորել է միջազգային բոլոր նորմերը պահպանելով, դե ֆակտո որպես անկախ պետություն է։ Այսօր ինչպես Ադրբեջանն է, այնպես էլ Արցախն է, այնպես որ պետության, նրա իրավունքի մասին ոչ մի բան չասեցին։ Եթե դե յուրե Արցախի անկախության հարցը շեշտվի, նոր կարելի է նստել բանակցությունների։ Բայց այն, ինչ մենք, մեր խմբակցությունը, հանրությունը սպասում էինք, թերի էր, չեղավ»,- ասաց Գագիկ Ծառուկյանը։
Մանրամասները՝ տեսանյութում։
Աղավնի Սուքիասյան
