30.03.2026 | 11:11
Լիբանանում ՄԱԿ-ի մեկ խաղաղապահ է զոհվել, ևս մեկը՝ ծանր վիրավորվել
Youtube-ից շահույթ ստացողները կհարկվեն, եթե միկրոբիզնես չեն. Հակոբ Արշակյան․ ՏԵՍԱՆՅՈՒԹ
Քաղաքականություն
12.03.2019 | 14:07
ՀՀ տրանսպորտի, կապի և ՏՏ նախարար Հակոբ Արշակյանն այսօր Ազգային ժողովում լրագրողների հետ զրույցում անդրադարձավ YouTube-ի հայաֆիկացման հարցին՝ կարևորելով երիտասարդ բլոգերների կողմից խնդիրը բարձրացնելը։
Նա նշեց, որ արդեն հաջորդ շաբաթ նախարարության կողմից աշխատանքային խումբ կստեղծվի։
«Մեզ մոտ նախաձեռնողականությունը միշտ ողջունվել է, և շատ կարևոր է, որ մեր հանրությունը, բլոգերները, ովքեր շահառու են Youtube-ի հայաֆիկացման մասով, վեր հանեցին հարցը: Հոլովակներ էին ստեղծել, գրագետ մատուցեցին, աշխատանքային խումբ կստեղծվի: Խնդրել էի, որ այն մարդիկ, ովքեր հետաքրքրություն ունեն, հայտնեն մտահոգությունը, կտեսնենք՝ ովքեր են տիրապետում, աշխատանքային խումբը կստեղծվի, որ մեխանիզմներն այնպես օգտագործվեն, որ օգտվեն ինֆորմացիոն հնարավորություններից»,- ասաց Հակոբ Արշակյանը՝ նշելով, որ հարցը կապված է տեխնոլոգիական ոլորտի զարգացման, բիզնեսի նոր մոդելների ներդման և նոր աշխատատեղերի ստեղծման հետ:
Հարցին՝ արդյո՞ք Youtube-ով գործունեություն ծավալող և եկամուտ ստացողները հարկային դաշտում կհայտնվեն, նախարարը պատասխանեց. «Կարծում եմ՝ այո: Դա ցանկացած տնտեսվարող սուբյեկտի է վերաբերում: Ինչպես գիտեք՝ Հարկային օրենսգրքում փոփոխություններ են տեղի ունենում, և միկրոբիզնեսը չի հարկվելու, բայց դրանից ավելի եկամուտ ստացողները կարող են մտնել հարկային դաշտ»:
Մանրամասները՝ տեսանյութում։
Աղավնի Սուքիասյան
