03.07.2026 | 18:03
Ջրային պարեկներն ու փրկարարները հանրային լողափերում անցել են ուժեղացված ծառայության
Կորեական թերակղզու շուրջ ստեղծված խնդրի լուծման հարցով Մոսկվան բոլոր երկրներին զսպվածության կոչ է անում
Քաղաքականություն
17.08.2017 | 19:53
Հյուսիսային Կորեայի շուրջ ստեղծված իրադրությանը ռազմական լուծում տալը աղետի կհանգեցնի: Կորեական թերակղզու շուրջ ստեղծված խնդրի լուծման հարցով Մոսկվան բոլոր երկրներին զսպվածության կոչ է անում. հայտարարել է ՌԴ ԱԳՆ-ի պաշտոնական ներկայացուցիչ Մարիա Զախարովան. փոխանցում է ria.ru-ն:
«Կորեական թերակղզու խնդիրը ռազմական ճանապարհով լուծելու ցանկացած փորձ կհանգեցնի մեծ ողբերգության, հակամարտող բոլոր կողմերի բնակչության զանգվածային կորստի, ինչպես նաև հումանիտար, տնտեսական ու էկոլոգիական աղետի»,- լրագրողներին ասել է Զախարովան:
Հիշեցնենք, որ Կորեական թերակղզու շուրջ իրադրությունը սրվել է Հյուսիսային Կորեայի և ԱՄՆ-ի միմյանց ուղղված կոշտ հայտարարություններից հետո: Հյուսիսային Կորեան խոստացել է բալիստիկ հրթիռ արձակել ամերիկյան Գուամի ուղղությամբ, ուր տեղակայված են ամերիկյան Անդերսեն ռազմաօդային բազան և ռազմածովային ՝ Ապրա-հարբորն բազան: Ի պատասխան ԱՄՆ նախագահ Դոնալդ Թարմփն ասել է, որ եթե Գուամի հետ ինչ-որ բան պատահի, ապա Հյուսիսային Կորեայում այնպիսի բաներ տեղի կունենան, որ դեռ ոչ ոք երբեք չի տեսել:
