09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Եվրասիական գործընկերության համաժողովը լավ հարթակ կարող է դառնալ նոր ներդրումների համար. Կարայան
Տնտեսություն
17.08.2017 | 18:38
Օգոստոսի 16-ին ՀՀ տնտեսական զարգացման և ներդրումների նախարարությունում տեղի է ունեցել Եվրասիական գործընկերության միջազգային երկրորդ համաժողովի կազմակերպման և անցկացման նախապատրաստական աշխատանքներին աջակցելու նպատակով ստեղծված միջգերատեսչական աշխատանքային խմբի նիստը: Նիստն անցկացրել է ՀՀ տնտեսական զարգացման և ներդրումների նախարար Սուրեն Կարայանը:
Հանդիպման ընթացքում քննարկվել են հոկտեմբեր ամսին Երևանում անցկացվելիք Եվրասիական գործընկերության երկրորդ միջազգային համաժողովին առնչվող հարցեր:
Համաժողովի նախաձեռնող և համակարգող խորհրդի նախագահ, ՅՈՒՆԵՍԿՕ-ի բարի կամքի դեսպան Ա.Աբրահամյանը նշելով, որ այս տարի համաժողովի թեման է արդյունաբերական ինտեգրման և արտահանման-ներմուծման կարողությունների ընդլայնումը Եվրասիական գործընկերության երկրներում ներկայացրել է համաժողովի հիմնական նպատակները և կազմակերպչական աշխատանքների ընթացքը:
Սուրեն Կարայանը կարևորել է համաժողովի անցկացումը, նշել, որ այն կարող է լավ հարթակ դառնալ տարածաշրջանային համագործակցության և ներդրումային նոր հնարավորությունների համար: Նա նաև վստահեցրել է, որ կարվի հնարավորինս համաժողովի պատշաճ անցկացման համար:
Կողմերը համակարծիք են եղել, որ համաժողովի պարբերաբար անցկացումը կնպաստի ԵԱՏՄ գործարար համայնքների, պետական և մասնավոր հատվածի, մասնակից այլ երկրների ներկայացուցիչների միջև համագործակցության զարգացմանը, ինչպես նաև խթան կհանդիսնա երկկողմ ու բազմակողմ համաձայնագրերի կնքման, գործարար համայնքների միջև բիզնես նախագծերի և գործարքների իրականացման համար:
