17.05.2024 | 12:56
Գիշերը 3 մարզի լեռնային շրջաններում ձյուն է սպասվում
Brexit-ից հետո Մեծ Բրիտանիան ԵՄ-ին ժամանակավոր մաքսային միություն կառաջարկի
Քաղաքականություն
15.08.2017 | 19:59
Մեծ Բրիտանիան Brexit-ից հետո Եվրամիությանը «ժամանակավոր մաքսային միություն» կառաջարկի, ասվում է կառավարության դիրքորոշումը ներկայացնող փաստաթղթում, որը պաշտոնապես կներակայացվի երկուշաբթի. փոխանցում է BBC-ի ռուսական ծառայությունը:
Մաքսային միության անդամ երկրները տուրքեր չեն վճարում (արտահանման ու ներկրման հարկեր) միության տարածքում ապրանքների ու ծառայությունների մատակարարներին։
Նրանք նաև հավասարեցնում են միության սահմաններից դուրս ներկրվող կամ արտահանվող ապրանքների ու ծառայությունների սակագները։
2019 թվականի մարտից, երբ կավարտվեն Brexit-ի շուրջ բանակցությունները, կառաջարկվի «ժամանակավոր մաքսային միություն» հիմնել։ Դրա շրջանակում ԵՄ-ի հետ առևտուրը կշարունակվի նախկին պայմաններով, բայց Լոնդոնը կարող է առևտրային բանակցություններ սկսել ԵՄ-ի կազմում չգտնվող երկրների հետ, ինչի իրավունքն այժմ՝ լինելով ԵՄ-ի անդամ, չունի։
