02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
ԼՀԿ-ն ևս առանձին կմասնակցի վարչապետի հայտարարած մարտի 1-ի երթին
Քաղաքականություն
28.02.2019 | 18:56
«Լուսավոր Հայաստան» կուսակցությունը հայտարարություն է տարածել՝ տեղեկացնելով, որ կեսօրին է քայլերթով ուղևորվելու Մյասնիկյանի արձանին հարող խորհրդանշական վայր՝ հարգանքի տուրք մատուցելու Մարտի 1-ի 10 անմեղ քաղաքացիների հիշատակին:
«Մարտի 1-ին ժամը 11։00-ին «Լուսավոր Հայաստան» կուսակցության և համանուն խմբակցության անդամները Երևանի Սբ. Սարգիս առաջնորդանիստ եկեղեցում կմասնակցեն Մարտի 1-ի զոհերի հիշատակին նվիրված հոգեհանգստի արարողությանը, որից հետո քայլերթով կուղևորվեն դեպի Մյասնիկյանի արձանին հարող խորհրդանշական վայր՝ հարգանքի տուրք մատուցելու 11 տարի առաջ դաժան սպանդի զոհ դարձած 10 անմեղ քաղաքացիների հիշատակին»,- ասված է հաղորդագրությունում:
Հիշեցնենք, որ ՀՀ վարչապետ Նիկոլ Փաշինյանը հայտարարել էր, որ Մարտի 1-ի իրադարձությունների 11-րդ տարին կնշանավորվի քաղաքացիական հզոր երթով՝ Ազատության հրապարակից մինչև Մյասնիկյանի հուշարձան՝ բոլորին մարտի 1-ին՝ ժամը 18:30-ին հրավիրելով Ազատության հրապարակ:
Նշենք, որ խորհրդարանական մյուս ուժը՝ ԲՀԿ-ն ևս հայտարարել էր, որ առանձին է մասնակցելու վարչապետի հայտարարած մարտի 1-ի երթին:
