21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Մարտի 1-ին երթ ենք անում Ազատության հրապարակից՝ Մյասնիկյանի հուշարձան. Նիկոլ Փաշինյան. ՏԵՍԱՆՅՈՒԹ
Տեսանյութեր
21.02.2019 | 09:02
«Մարտի 1-ի իրադարձությունների 11-րդ տարին կնշանավորվի քաղաքացիական հզոր երթով՝ Ազատության հրապարակից մինչև Մյասնիկյանի հուշարձան»,- ֆեյսբուքյան իր էջի ուղիղ եթերում հայտարարեց վարչապետ Նիկոլ Փաշինյանը։ Նա մանրամասնեց, որ երթը նվիրված է լինելու Հայաստանի Հանրապետության քաղաքացու հաղթանակին և ընդդեմ բռնության, ընտրակեղծիքների, կոռուպցիայի և ապօրինությունների:
«Երթը նշանավորելու է այն հանգրվանը, որ Հայաստանի Հանրապետությունում քաղաքացու հաղթանակը և քաղաքացու իշխանությունն այլևս անշրջելի են, որ ՀՀ-ում այլևս չեն լինելու կեղծիքներ, որ մենք հստակ դեմ ենք կանգնում բռնության, քաղաքական բռնության, կոռուպցիային, ապօրինություններին, քաղաքական հետապնդումներին։ Այդ օրը մենք հարգանքի տուրք կմատուցենք 2008 թվականի մարտի 1-ի 10 զոհերին և ընդհանրապես՝ բռնության բոլոր զոհերին»,- նշեց վարչապետը։
Փաշինյանը հստակեցրեց նաև, որ մարտի 1-ին նախատեսված երթը մեկնարկելու է 18։30-ին՝ Ազատության հրապարակից․ «Բոլորիդ հրավիրում եմ Ազատության հրապարակ՝ այնտեղից իրականացնելու քաղաքացիական երթ դեպի Մյասնիկյանի արձան։ Այդ օրը ես մտադիր եմ նաև ուղերձով դիմել ժողովրդին, որի ձևաչափը դեռևս քննարկվում է»։
Մանրամասները՝ տեսանյութում:
