22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
«Եթե սիրում ես խաղաղություն, պատրաստվի՛ր պատերազմի». ի պատասխան Թրամփի սպառնալիքի` Մադուրոն զորավարժություններ կանցկացնի
Քաղաքականություն
15.08.2017 | 19:44
Վենեսուելայի նախագահ Նիկոլաս Մադուրոն հայտարարել է երկրում զորավարժությունների անցկացման մասին՝ ի պատասխան այդ պետությունում Վաշինգտոնի կողմից ռազմական գործողության հնարավոր անցկացման մասին ԱՄՆ նախագահ Դոնալդ Թրամփի հայտարարության, հայտնում է Lenta.ru-ն` հղում անելով Reuters-ին:
Նա նշել է, որ զորավարժությունները կանցկացվեն օգոստոսի 26-27-ին և հույս հայտնել, որ երկրի զինված ուժերին կմիանան միլիոնավոր վենեսուելացիներ։
«Եթե սիրում ես խաղաղություն, պատրաստվի՛ր պատերազմի»,- հայտարարել է նախագահը՝ նշելով, որ ոչ ոք չի կարող միջամտել Վենեսուելայի ներքին գործերին։
Ինչպես ավելի վաղ տեղեկացրել էր Factor.am-ը ԱՄՆ նախագահ Դոնալդ Թրամփը չի բացառել ռազմական գործողության հնարավորությունը Վենեսուելայում:
«Մենք շատ տարբերակներ ունենք Վենեսուելայի համար: Ի դեպ, ես չեմ բացառում ռազմական տարբերակը», – հայտարարել էր ԱՄՆ նախագահը Նյու Ջերսիում:
