07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Ալիևն ընդունել է ԵԱՀԿ ՄԽ համանախագահներին
Քաղաքականություն
21.02.2019 | 14:14
Ադրբեջանի նախագահ Իլհամ Ալիևն այսօր՝ փետրվարի 21-ին, Բաքվում ընդունել է ԵԱՀԿ Մինսկի խմբի համանախագահներ Իգոր Պոպովին (Ռուսաստան), Էնդրյու Շոֆերին (ԱՄՆ), Ստեֆան Վիսկոնտիին (Ֆրանսիա). հայտնում է minval.az-ը
Հանդիպմանը ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը:
«Հանդիպման ընթացքում քննարկվել են Լեռնային Ղարաբաղի հակամարտության կարգավորմանն ուղղված բանակցությունների ընթացիկ վիճակն ու հեռանկարները»,- հայտնում է աղբյուրը:
Նշենք, որ մինչ Բաքու մեկնելը համանախագահները Երևանում էին, ուր հանդիպեցին նախ ԱԳ նախարար Զոհրաբ Մնացականյանի, ապա՝ ՀՀ վարչապետ Նիկոլ Փաշինյանի հետ:
Ի դեպ, Զոհրաբ Մնացականյանի հետ հանդիպմանը ԵԱՀԿ ՄԽ համանախագահներին հատկապես հետաքրքրել են Դավոսում Փաշինյանի ու Ալիևի միջև տեղի ունեցած հանդիպման մանրամասները: Իսկ արդեն Փաշինյանի հետ հանդիպմանը նշվել է, որ ուրվագծվել են ԼՂ կարգավորման գործընթացի մթնոլորտի ձևավորման շուրջ հետագա քայլերը:
