20.10.2026 | 13:31
Հայաստանից 908,6 տոննա ծաղիկ է արտահանվել 30 երկիր․ արտահանման աշխարհագրությունն ընդլայնվել է
Ազգային ժողովում շարունակվում է Կառավարության ծրագրի քննարկումը. ՈՒՂԻՂ
Քաղաքականություն
14.02.2019 | 09:57
Խորհրդարանը շարունակում է Ազգային ժողովի առաջին նստաշրջանի հերթական նիստը: Քննարկվում է ՀՀ կառավարության ծրագիրը:
ՀՀ վարչապետ Նիկոլ Փաշինյանն այն ներկայացնելիս նշել էր. «ՀՀ կառավարության ծրագրով ազդարարում ենք տնտեսական հեղափոխության մեկնարկը»:
Մինչդեռ «Բարգավաճ Հայաստան» խմբակցության ղեկավար Գագիկ Ծառուկյանը հայտարարել էր. «Ոչ մի թիվ չկա ծրագորւմ: Այս ծրագիրը տնտեսական հեղափոխության ծրագիր չի, եթե չփոխվի, ուրեմն մենք կողմ քվեարկել չենք կարող»:
Իսկ ահա «Լուսավոր Հայաստան» խմբակցության ղեկավար Էդմոն Մարուքյանը նախ արհամարհանք էր համարել այն, որ Կառավարության ծրագիրը առանց խմբակցությունների հետ քննարկման բերվել է խորհրդարան, ապա նշել էր, որ դեռևս հստակ չի կարող ասել՝ ինչպես են քվեարկելու. «Այդ հարցը խմբակցությունում քննարկվում է»:
Նշենք, որ ՀՀ կառավարության ծրագրի հաստատումից հետո, ԱԺ քննարկման կներկայացվի Կառավարության կառուցվածքի փոփոխության մասին օրենքի նախագիծը, ըստ որի՝ 17 նախարարությունների փոխարեն կլինեն 12-ը:
