Քաղաքականություն
12.02.2019 | 18:16Խորհրդարանն արհամարհվել է ու ուղղակի ստացել է ծրագիր՝ քննարկելու համար, սա պատմության մեջ առաջին դեպքն է, որ նման արհամարհական վերաբերմունք կա։
Այս մասին լրագրողների հետ զրույցում անդրադառնալով Կառավարության կողմից ծրագրի ներկայացմանն՝ ասաց ԼՀԿ խմբակցության ղեկավար Էդմոն Մարուքյանը։
«Գոնե 7 տարվա մեջ, ինչ ես խորհրդարանում եմ, սա առաջին դեպքն է, որ կառավարությունը ծրագիր է բերում՝ առանց խորհրդարանական ուժերի հետ նախնական քննարկումների։ Սա արհամարհական վերաբունք է խորհրդարանական ուժերի նկատմամբ», – ասաց նա՝ հավելելով, որ մյուս խնդիրն էլ առանց կառավարության կառուցվածքն ունենալու ծրագիր բերելն է, որովհետև քանի դեռ կառուցվածքը պարզ չէ, հայտնի չէ, թե ովքեր են լինելու ծրագիրը կյանքի կոչողները։ Մեր հարցին ի պատասխան Մարուքյանը նկատեց, որ դեռևս հստակ չի կարող ասել՝ ինչպես են քվեարկելու։ Նա ասաց, որ դեռևս այդ հարցը խմբակցությունում քննարկվում է։ «Այն քննադատությունները, որոնք մինչ օրս կային, որ ծրագիրը կոնկրետ չէ ու չի պատասխանում «ինչպես» հարցին, այդ հարցերի պատասխանները այդպես էլ չստացանք։ Փոխարենը ստացանք պատասխան, որ «ինչպես» հարցի պատասխանը պիտի մարդիկ տան», – հավելեց Մարուքյանը։
Մանրամասները՝ տեսանյութում։
Նարեկ Կիրակոսյան
