09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Դեսպանությունը ճշտում է Սիչուան նահանգի երկրաշարժից տուժածների թվում հայերի առկայությունը
Քաղաքականություն
09.08.2017 | 17:40
Չինաստանում ՀՀ դեսպանությունը փորձում է ճշտել այդ երկրի հարավ-արևմուտքում գտնվող Սիչուան նահանգում տեղի ունեցած երկրաշարժի հետևանքով տուժածների կամ զոհերի թվում Հայաստանի քաղաքացիներ կամ հայեր կա՞ն, թե՝ ոչ:
Այս մասին Factor.am-ի հետ զրույցում ասաց Արտաքին գործերի նախարարության մամուլի խոսնակ Տիգրան Բալայանը: «Այժմ զոհերի կամ տուժածների մասին տեղեկատվություն չկա»,- հավելեց Բալայանը:
Հիշեցնենք՝ երեկ ժամը 21:19-ին ուժեղ երկրաշարժ է գրանցվել Սիչուանի նահանգի Նգավա-Տիբեթա-Ցյանի ինքնավար շրջանի Ցզյուչժայգոու գավառում: Չինաստանի սեյսմոլոգիական կենտրոնը հայտնել Է, որ երկրաշարժի մագնիտուդը կազմել Է 7: Ըստ վերջին տվյալների՝ դրա զոհ Է դարձել 19 մարդ, ևս 247-ը տուժել է:
Շողիկ Գալստյան
