03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Արամ Ա-ն Մակրոնին երախտագիտություն է հայտնել՝ Ֆրանսիայում ապրիլի 24-ը Հայոց ցեղասպանության հիշատակի օր հռչակելու համար
07.02.2019 | 17:00
Մեծի Տանն Կիլիկիո Արամ Ա կաթողիկոսը շնորհակալական նամակ է հղել Ֆրանսիայի նախագահ Էմանուել Մակրոնին՝ պաշտոնապես ապրիլի 24-ը Ֆրանսիայում Հայոց ցեղասպանության զոհերի հիշատակի օր հռչակելու կապակցությամբ: Այս մասին տեղեկանում ենք Կիլիկիո կաթողիկոսության մամլո դիվանից:
«Խորապես հավատացած ենք, որ այս որոշումը պերճախոս արտահայտությունն է արդարությանը, մարդու իրավունքներին, պատմական անհերքելի իրողությանն ու 20-րդ դարի առաջին Ցեղասպանության ճանաչման անհրաժեշտությանը Ձեր հավատարմությանը»,- ասված է Արամ Ա-ի նամակում:
Կիլիկիո կաթողիկոսը նաև նշել է, որ Ֆրանսիայի նախագահի այս որոշումն արտացոլում է այն բարեկամությունը, որը միավորում է հայ և ֆրանսիացի ժողովուրդներին:
Հիշեցնենք, որ Ֆրանսիայի նախագահ Էմանուել Մակրոնը փետրվարի 5-ի երեկոյան հայտարար էր, որ այսուհետ ապրիլի 24-ը Ֆրանսիայում նշվելու է որպես Հայոց ցեղասպանության հիշատակի օր: Թուրքիան դատապարտել էր Մակրոնի այս քայլը՝ նշելով, որ անընդունելի են համարում քաղաքական իրադարձությունները պատմական գործիքի վերածելու՝ Մակրոնի ձգտումը, որպեսզի ինչ-որ կերպ փրկի քաղաքական ճգնաժամ ապրող իր երկրում տիրող իրավիճակը:
