24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Կառավարությունը «Քանաքեռի կարի ֆաբրիկա» ընկերությանը արտոնություն կտրամադրի
Տնտեսություն
08.08.2017 | 19:59
ՀՀ Կառավարությունը «Քանաքեռի կարի ֆաբրիկա» ՍՊԸ-ին կազատի տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծելու մաքսատուրքից: Այս մասին Factor.am-ը տեղեկանում կառավարության առաջիկա նիստի օրակարգից: Որոշման նախագիծը գործադիրի անդամներին կներկայացնի ՀՀ տնտեսական զարգացման և ներդրումների նախարարությունը:
«Որոշման նպատակն է թույլատրել «Քանաքեռի կարի ֆաբրիկա» սահմանափակ պատասխանատվությամբ ընկերությանն օգտվել գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու արտոնությունից»,- ասված է Կառավարության որոշման մեջ:
Ընկերության կողմից ներմուծվող հումքն օգտագործվելու է կտորի և օժանդակ նյութերի կարի արտադրության մեջ։ Ներմուծվող հումքը չի ներմուծվում ԵԱՏՄ անդամ-երկրներից, քանի որ չի բավարարում ընկերությանն անհրաժեշտ տեխնիկական չափանիշներին։
Կառավարության ներկայացրած նախագծում նաև ասված է, որ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար:
Շողիկ Գալստյան
