20.03.2026 | 16:47
ԱԺ հանձնաժողովում քննարկվել է Կառավարության ծրագրի 2025 թ. կատարողականը
Երևանում ծնված հնգյակից չորրորդ երեխան էլ մահացավ
07.08.2017 | 18:02
Երևանում ծնված հնգյակից մահացել է ևս մեկը՝ Աննան: Այս լուրը Factor.am-ի հայտնեց Սուրբ Աստվածամայր ԲԿ-ի վերակենդանացման և ինտենսիվ թերապիայի բաժանմունքի ղեկավար Աննա Չոբանյանը:
«Երեխան աղիների անանցելիության հետ կապված պարբերաբար խնդիրներ էր ունենում, վիրահատվեց, բայց աղիներն այդպես էլ չգործեցին և հուլիսի 25-ին երեխան մահացավ»,- մեզ հետ զրույցում ասաց Աննա Չոբանյանը:
Հնգյակից ողջ մնացած մյուս աղջիկը՝ Ռոզին, հուլիսի 10-ին դուրս էր գրվել Մոր և մանկան առողջության պահպանման գիտահետազոտական կենտրոնից:
Հիշեցնենք՝ մայիսի 3-ին Երևանում հնգյակ էր ծնվել, որոնցից երեքը՝ երկու աղջիկն ու մի տղան, մահացել էին ծնվելուց մի քանի օր անց, ողջ մնացած միակ երեխան՝ Ռոզին, հուլիսի 10-ին դուրս է գրվել Մոր և մանկան առողջության պահպանման գիտահետազոտական կենտրոնից:
Շողիկ Գալստյան
