21.10.2026 | 23:02
Ամբողջ աշխարհում սպասում են կիբերհարձակումների, հայտնաբերվել են կրիտիկական խոցելիություններ
Դուք տեղյա՞կ եք բանկային ծովահենությունից․ Հովիկ Աղազարյանը՝ Մանե Թանդիլյանին. ՏԵՍԱՆՅՈՒԹ
Քաղաքականություն
18.01.2019 | 14:50
Ազգային ժողովի «Իմ քայլը» խմբակցության պատգամավոր Հովիկ Աղազարյանի խոսքով՝ բանկերը ծովահենությամբ են զբաղված, քանի որ «քաղաքացին դիմում է բանկին վարկ վերցնելու նպատակով, բանկից ստանում է մերժում, դիմում է վարկային կազմակերպություններին և այդ վարկային կազմակերպությունները նույն քաղաքացուն համաձայնում են վարկ տրամադրել, սակայն այդ կազմակերպություններն այդ գումարները վերցնում են բանկերից և քաղաքացիներին են տրամադրում արդեն 30 տոկոս միջնորդավճարով»։
«Տեղյա՞կ եք այդ մասին»,- դիմելով ԱԺ Ֆինանսավարկային և բյուջետային հարցերի մշտական հանձնաժողովի նախագահի թեկնածու Մանե Թանդիլյանին, ասաց պատգամավորը։
Ի պատասխան Մանե Թանդիլյանը նկատեց, որ այդ վարկային կազմակերպություններն ունեն իրենց ռիսկերը, և հնարավոր է՝ բանկը չտրամադրի քաղաքացուն վարկ, իսկ վարկային կազմակերպությունը տրամադրի, սակայն բարձր տոկոսադրույքով։
«Պետք է ասեմ, որ դա ամենախնդրահարույց հարցը չէ․ կան կազմակերպություններ, որոնք քաղաքացիներին տանում և գրանցում են իրենց ՍՊ-ներում, հետո վարկային կազմակերպություններից կամ բանկերից վարկել են ստանում: Այսինքն՝ իրենք քաղաքացիների համար վարկ են վերցնում և քաղաքացիները հայտնվում են թակարդում։ Այ սա է, որ մենք պետք է կարողանանք վերահսկել և արմատախիլ անել»,- ասաց Թանդիլյանը։
Մանրամասները՝ տեսանյութում։
