22.04.2026 | 21:21
Բրիտանիայում 2008 թվականից հետո ծնվածների համար ծխելու արգելքի մասին օրինագիծ է ընդունվել
Արսեն Ջուլֆալակյանը մարզիկների աշխատանքային ստաժի և բժշկական ապահովագրության վերաբերյալ օրենսդրական նախաձեռնություն կներկայացնի ԱԺ․ ՏԵՍԱՆՅՈՒԹ
Քաղաքականություն
15.01.2019 | 17:53
Ազգային ժողովի «Իմ քայլը» խմբակցության պատգամավոր Արսեն Ջուլֆալակյանը պատրաստվում է երկու օրենսդրական նախաձեռնություն ներկայացնել խորհրդարանի հաստատմանը, որոնցից մեկը կվերաբերի մարզիկների աշխատանքային ստաժին, մուսը՝ նրանց առողջապահության ապահովագրությանը։
Այս մասին այսօր ԱԺ-ում ասաց պատգամավոր Ջուլֆալակյանը՝ մտահոգություն հայտնելով, որ մարզիկները մինչև 35 տարեկանը զբաղվում են սպորտով, սակայն ունեն զրո աշխատանքային ստաժ։
Արսեն Ջուլֆալակյանը այս օրենսդրական նախաձեռնությունների վերաբերյալ կարծիք հարցրեց ԱԺ Առողջապահության և սոցիալական հարցերի մշտական հանձնաժողովի նախագահի պաշտոնում առաջադրված պատգամավոր Նարեկ Զեյնալյանից։
Նարեկ Զեյնալյանն ի պատասխան նշեց, որ, եթե կա մարզիկների ստաժի հետ կապված խնդիր, իսկ Արսեն Ջուլֆալակյանն էլ դահլիճում ներկա միակ սպորտի ներկայացուցիչն է, իրենք պատրաստ են նրա աջակցությամբ մշակել օրենսդրական նախաձեռնություն։
«Իսկ ինչ վերաբերում է մարզիկների առողջապահության ապահովագրությանը, ապա դա ամբողջ աշխարհում ընդունված պրակտիկա է, և նրանք ևս, ինչպես հասարակության մյուս անդամները, իրավունք ունեն ստանալ ապահովագրություն»,-ասաց նա։
Մանրամասները՝ տեսանյութում։
