12.10.2026 | 13:52
Պետական բյուջեի փողերը թալանում եք, դուք թալանչի եք․ Մեսրոպ Մանուկյանը՝ ՔՊ-ին․ ՏԵՍԱՆՅՈՒԹ
Հենրիխ Մխիթարյանով հետաքրքրված է ֆուտբոլային երեք ակումբ
11.01.2019 | 14:45
Հայաստանի ֆուտբոլի հավաքականի ավագ Հենրիխ Մխիթարյանը հայտնվել է մի շարք ակումբների ուշադրության կենտրոնում:
Մասնավորապես՝ խոսակցություններ են շրջանառվում, որ նրա ծառայութուններով այժմ հետաքրքված է Սանկտ Պետերբուրգի «Զենիթը»: Մինչ այդ նշվում էր, որ Հենրիխ Մխիթարյանին ցանկանում են ձեռք բերել «Միլանն» ու «Էվերտոնը»: Սակայն, ըստ նախնական տվյալների, «Միլանը» ներկայում իրավունք չունի ֆուտբոլիստ գնել, քանի որ խախտել է ֆինանսական «ֆեյր փլեյի» կանոնները, իսկ «Էվերտոնը» ի վիճակի չէ վճարել բարձր աշխատավարձ, որը ներկայումս ստանում է հայ կիսապաշտպանը:
Նշենք, որ Մխիթարյանի տրանսֆերային արժեքը գնահատվում է 27 միլիոն ֆունտ ստերլինգ: 29-ամյա ֆուտբոլիստը շաբաթական 180 հազար ֆունտ ստերլինգ աշխատավարձ է ստանում:
Հավելենք, որ Լոնդոնի «Արսենալի» գլխավոր մարզիչ Ունայ Էմերին հայտարարել է, որ Հենրիխ Մխիթարյանն արդեն սկսել է մարզումները և շուտով միանալու է թիմին: Իսկ թե ինչպիսի զարգացումներ տեղի կունենան կապված մեր ֆուտբոլիստի հետ, պարզ կդառնա մինչեւ հունվարի 31-ի կեսգիշերը, երբ կփակվի ձմեռային տրանսֆերային պատուհանը:
