15.12.2025 | 22:25
Հայաստանում կանցկացվի միջազգային խմբային հեծանվաերթ՝ ընդգրկելով ՀՀ տարբեր մարզեր
Գործընթացների արդյունքում դառնում եմ գործազուրկ․ ինչո՞վ է զբաղվելու Արփինե Հովհաննիսյանը. ՏԵՍԱՆՅՈՒԹ
Քաղաքականություն
11.01.2019 | 13:55
ԱԺ նախկին փոխնախագահ Արփինե Հովհաննիսյանը, խոսելով նոր խորհրդարանի ձևավորման արդյունքում գործազուրկ մնալու մասին, նշեց, որ առաջիկայում պատրաստվում է մասնագիտական ակտիվ գործունեություն ծավալել։
«Գործընկերներ Դավիթ Հարությունյանի և այլոց հետ հիմնադրել ենք իրավաբանական ընկերություն, որտեղ ծավալելու ենք մասնագիտական գործունեություն»,- ասաց Արփինե Հովհաննիսյանը։
Իր խոսքով՝ տարիներ առաջ փաստաբանական գործունեությամբ զբաղվելու քննություն է հանձնել, բայց արտոնագիրը մինչ օրս չի վերցրել։ Հանրային քաղաքականության մեջ ակտիվություն ևս նախատեսվում է, իսկ արտագաղթի միտքը գրեթե բացառվում է: «Հույս ունեմ, որ հայրենի իշխանությունն այնպիսի պայմաններ չի ստեղծի, որ արտագաղթն այլընտրանք չի ունենա։ Սակայն, նույնիսկ այդ դեպքում, շարունակելու եմ գործունեություն ծավալել իմ հայրենիքում և պաշտպանել Հայաստանի քաղաքացիների շահերը»,- ընգծեց Արփինե Հովհաննիսյանը։
Հին ու նոր խորհրդարանների համեմատությունները, ԱԺ նախկին փոխնախագահի խոսքով, անտեղի են։ «Գուցե գա ժամանակ, որ մենք վիրավորվենք, երբ մեզ նոր կառավարության հետ համեմատեք»,- նշեց Արփինե Հովհաննիսյանը։
Ըստ նրա՝ Հայաստանի խորհրդարանը, կազմի տեսանկյունից, երբեք կատարյալ չի եղել։ Որքանով է կատարելության ձգտելու նոր կառավարությունը, ժամանակը ցույց կտա։
Նոր խորհրդարանին ԱԺ նախկին փոխնախագահը մաղթեց հաջողություն։
Մանրամասները՝ տեսանյութում:
