03.02.2026 | 21:22
Հայաստանում շտապօգնության բժիշկները մոտոցիկլով կմեկնեն կանչի․ ԱՆ նոր նախաձեռնությունը
ԱԻՆ-ում քննարկվել է Հիդրոօդերևութաբանության ծառայության արդիականացման ճանապարհային քարտեզը
01.08.2017 | 19:53
ՀՀ Արտակարգ իրավիճակների նախախար Դավիթ Տոնոյանն օգոստոսի 1-ին ընդունել է Համաշխարհային բանկիտեխնիկական աջակցության փորձագիտական պատվիրակությանը: Ինչպես տեղեկացրին արտակարգ իրավիճակների նախարարությունից, հանդիպման ընթացքում քննարկվել են փորձագիտական խմբի կողմից Աղետների ռիսկի կառավարման ազգային ծրագրի շրջանակում ներկայացված ՀՀ ԱԻՆ «Հիդրոօդերևութաբանության և մթնոլորտայիներևույթների վրա ակտիվ ներգործության» ծառայության արդիականացման ճանապարհային քարտեզը, որի միջոցով հնարավոր կլինի լուծել ծառայության օպտիմիզացիայի և թվայնացման խնդիրները:
Նախնական եզրակացություն-հաշվետովության մեջ ներկայացված են ծառայության արդիականացմանն ուղղված հիմնական 3 առաջնահերթությունները. կարճաժամկետ և երկարաժամկետ կանխատեսումների իրականացումը և հավաքագրված տվյալների հիման վրա ռիսկերի հաշվարկումն ու դրանց մասին վաղ ազդարարումը շահառուներին տնտեսության և հատկապես գյուղատնտեսության ոլորտում, որի վնասների գրեթե 80%-ը պայմանավորված է բնակլիմայական իրավիճակով: «Հիդրոօդերևութաբանության և մթնոլորտային երևույթների վրա ակտիվ ներգործության»ծառայության արդիականացումը պետք է հնարավորություն տա օգտվել նաև հիդրոօդերևութաբանական տեղեկատվական հատուկ բազա ունեցող միջազգային բաց աղբյուրից և վերլուծել այնտեղ առկա տեղեկատվությունը: Միջազգային փորձագիտական խմբի կողմից ներկայացված առաջարկություններում նախատեսվում է նաև վերապատրաստման դասընթացներ իրականացնել ծառայության աշխատակիցների հետ:
