23.05.2026 | 19:58
Ինչի ինքը չի նստացրե՞լ Ռոբերտ Քոչարյանին. Լևոն Քոչարյանը` Փաշինյանի հայտարարության մասին. ՏԵՍԱՆՅՈՒԹ
Պուտինն առաջարկել է Լուկաշենկոյին քննարկել Ռուսաստանի և Բելառուսի միջև հարաբերությունների զարգացման հեռանկարները
Քաղաքականություն
29.12.2018 | 19:14
Այսօր՝ դեկտեմբերի 29-ին, Բելառուսի նախագահ Ալեքսանդր Լուկաշենկոն հերթական աշխատանքային այցով ժամանել է Մոսկվա՝ հանդիպելու ՌԴ նախագահին: Նախորդ աշխատանքային այցն ընդամենը մի քանի օր առաջ էր՝ դեկտեմբերի 25-ին:
Ռուսաստանի Դաշնույան նախագահ Վլադիմիր Պուտինը Բելառուսի իր գործընկերոջն առաջարկել է քննարկել երկու երկրների միջև հարաբերությունների հետագա զարգացման նպատակով աշխատանքային խմբի գործունեության հեռանկարները, գրում է tass.ru-ն:
«Ինչպես արդեն պայմանավորվել էինք, աշխատանքային խումբ կստեղծենք, որը կզբաղվի մեր երկրների միջև տնտեսական և այլ ոլորտներում հարաբերությունների զարգացմամբ: Դուք ասել էիք, որ համապատասխան հանձնարարականներ կտաք իշխանությանը, որպեսզի բելառուսական կողմի գործընկերները նույնպես աշխատեն»,- ասել է Պուտինը:
Նախագահները նաև շնորհավորել են միմյանց ու ռուս և բելառուս ժողովուրդների Ամանորը: «Միգուցե Ամանորի շեմին մեր հանդիպումները լավ ավանդույթ դառնան»,- ժպիտով նկատել է Պուտինը, Լուկաշենկոն ծիծաղելով համաձայնել է:
