09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Խախտվել է դիմումատուների արդար դատաքննության իրավունքը. ՄԻԵԴ-ն ընդդեմ Հայաստանի հերթական վճիռն է կայացրել
Հասարակություն
29.12.2018 | 14:48
ՄԻԵԴ-ն ընդդեմ Հայաստանի հերթական վճիռն է կայացրել. տեղեկացնում է ՄԻԵԴ-ի պաշտոնական կայքը:
Գործը հարուցվել է «Մարդու իրավունքների և հիմնարար ազատությունների պաշտպանության մասին» կոնվենցիայի 34-րդ հոդվածի համաձայն՝ ՀՀ քաղաքացիներ՝ Արամ և Արթուր Մարտիրոսյանների կողմից ընդդեմ ՀՀ-ի՝ դատարան ներկայացված գանգատի հիման վրա:
«Մարտիրոսյանն ընդդեմ Հայաստանի» գործով ՄԻԵԴ-ն արձանագրել է, որ պնդումները բավարար են, որպեսզի դատարանը եզրակացնի՝ տվյալ գործում խախտվել է դիմումատուների արդար դատաքննության իրավունքը: Դիմումատուները կստանան 2400-ական եվրո՝ որպես ոչ նյութական վնասի փոխհատուցում:
Նշենք, որ փաստաբան Վահե Գրիգորյանի հաղորդմամբ՝ 20/12/2018թ․-ին ուժի մեջ է մտել Սաղաթելյանն ընդդեմ Հայաստանի գործով վճիռը, որով այն մտել է կատարման փուլ և, այդու, շուտով կփոխանցվի Եվրոպայի Խորհրդի Մինիստրների Կոմիտե՝ Հայաստանի նկատմամբ այս վճռի կատարման ընթացքում ԵԽՄԿ վերահսկողությունն ապահովվելու համար։
«Ճիշտ ժամանակին՝ երեկ, արդարադատության նախարարությունը հրապարակել է նաև այս վճռի հայերեն թարգմանությունը, որին խորհուրդ կտամ ծանոթանալ 2008թ․-ի փետրվար-մարտ ամիսներին տեղի ունեցած իրադարձությունների և դրանց վերաբերյալ «արդարադատության» փաստերին ու դրանց մասին միջազգային այս դատարանի դատողությունների ծանոթանալու ցանկություն ունեցողներին»,- գրել է Գրիգորյանը:
