13.03.2026 | 13:32
Արման Ծառուկյան․ Ինձ ասել են, որ հանդիպելու եմ Տոպուրիա – Գեյջի մենամարտի հաղթողի հետ
Վահագն Աթաբեկյանը հանդիպեԼ Է Լիբանանի խորհրդարանի նախագահ Նաբիհ Բըրիի հետ
Քաղաքականություն
28.12.2018 | 20:08
Դեկտեմբերի 27-ին Բեյրութում ՀՀ նորանշանակ դեսպան Վահագն Աթաբեկյանը հանդիպեց Լիբանանի խորհրդարանի նախագահ Նաբիհ Բըրիի հետ (Nabih Berri):
Ընգծելով հայ-լիբանանյան հարաբերությունների առանձնահատուկ կարևորությունն ու խորապես բարեկամական բնույթը, Լիբանանի խորհրդարանի նախագահը հաջողություններ մաղթեց ՀՀ դեսպանին իր դիվանագիտական առաքելության մեջ։
Նաբիհ Բըրիի խնդրանքով դեսպան Աթաբեկյանը հանգամանալից կերպով ներկայացրեց Հայաստանի ներքաղաքական զարգացումները, կայացած խորհրդարանական ընտրությունների ընթացքն ու արդյունքները՝ որպես երկրում տեղի ունեցած թավշյա, ոչ բռնի, ժողովրդական հեղափոխության բնականոն և տրամաբանական հանգրվան:
Լիբանանի խորհրդարանի նախագահը խոստացավ իր աջակցությունը՝ Հայաստանի Ազգային ժողովի վերջնական կազմավորումից հետո երկու երկրների միջև հաստատված միջխորհրդարանական համագործակցությանը նոր թափ և նոր որակ հաղորդելու համար։
