16.11.2024 | 14:36
ԿԲ նախագահը Silicon Mountains գագաթաժողովում խոսել է ֆինանսական ոլորտում արհեստական բանականության կիրառումից
Թուրքիայում 2 հեռուստաալիքներ պատժվել են եթերում հնչած «հակաիշխանական» արտահայտությունների պատճառով
Քաղաքականություն
27.12.2018 | 22:21
Թուրքիայում հեռարձակվող ընդդիմադիր հեռուստալիքներ համարվող Halk TV-ի և Fox TV-ի նկատմամբ պատիժ է սահմանվել դրանց եթերով հեռարձակվող հաղորդումների ժամանակ հնչեցված «հակաիշխանական» արտահայտությունների համար: Այս մասին գրում է ermenihaber.am-ը:
Halk TV-ի նկատմամբ պատիժ սահմանելու պատճառը հեռուստաալիքի հաղորդումներից մեկի ժամանակ թուրք գրող Մյուջդաթ Գեզենի հնչեցրած խոսքերն են, որում ասվել է.
«Նայի՛ր Ռեջեփ Թայիփ Էրդողան, մի փորձի՛ր իմ և մեր հայրենասիրությունը, չափդ ճանաչի՛ր»:
Իսկ Fox TV-ի նկատմամբ սահմանված պատժի պատճառը՝ հեռուստաալիքի սկանդալային հաղորդավար Ֆաթիհ Փորթաքալի հնչեցրած խոսքերն էին, ով մասնավորապես ասել էր.
«Որպես խաղաղասիրական ակցիա, եկեք բողոքենք թանկացումների, մասնավորապես բնական գազի թանկացումների դեմ: Եկե՛ք դա անենք: Կկարողանա ՞նք արդյոք դա անել»:
Երկու հեռուստաալիքների նկատմամբ սահմանված պատժն այն է, որ 3-ական անգամ եթեր չեն հեռարձակվելու այն հաղորդումները, որոնց ժամանակ հնչեցվել էին վերոնշյալ արտահայտությունները:
Պատիժը սահմանվել է Թուրքիայի ռադիոյի և հեռուստատեսության բարձրագույն խորհրդի (RTÜK) վերահսկողության և գնահատման վարչության կազմած զեկույցի հիման վրա:
