08.08.2026 | 13:46
Հրազդանում բացվել է Firebird AI ընկերության «ԱԲ գործարանը»
Ղազախստանում ՀՀ դեսպանը հանդիպել է ՂՀ Սահմանադրական խորհրդի նախագահի հետ
Քաղաքականություն
27.12.2018 | 20:01
Դեկտեմբերի 27-ին Ղազախստանում ՀՀ դեսպան Գագիկ Ղալաչյանը հանդիպում ունեցավ ՂՀ Սահմանադրական խորհրդի նախագահ Կայրաթ Մամիի հետ:
Ողջունելով հյուրին և շնորհավորելով նշանակման առթիվ` Կայրաթ Մամին գոհունակությամբ արձանագրեց, որ 2019 թվականին լրանում է Ղազախստանի սերտ գործընկերներից մեկի` Հայաստանի հետ կնքված Բարեկամության և համագործակցության մասին համաձայնագրի 20 տարին և հույս հայտնեց, որ երկկողմ հարաբերությունները ևս կշարունակեն զարգանալ ջերմ և արդյունավետ համագործակցության ոգով:
Կայրաթ Մամին կարևորեց Հայաստանի նախաձեռնած «Նոր ժողովրդավարության երկրների սահմանադրական վերահսկողության մարմինների խորհրդաժողով» կազմակերպությունում Ղազախստանի կողմից ստանձնած նախագահությունը:
ՀՀ դեսպանը վստահեցրեց զրուցակցին, որ բոլոր ջանքերը կներդնի, որպեսզի Ղազախստանի հետ երկկողմ սերտ համագործակցությունը շարունակի վերընթաց զարգացում ապրել փոխադարձ հետաքրքրություն ներկայացնող ոլորտներում:
