04.09.2026 | 12:55
Դատախազությունը Երևանի նախկին փոխքաղաքապետ Կարեն Դավթյանից պահանջում է բռնագանձել ավելի քան 20 գույք և շուրջ 230 մլն դրամ
Դպրոցների և բուհերի ղեկավարները ոչ միշտ են նախաձեռնող և պատրաստ փոփոխությունների. ԿԳ փոխնախարար. ՏԵՍԱՆՅՈՒԹ
Հասարակություն
27.12.2018 | 12:41
Դպրոցների և բուհերի ղեկավարները ոչ միշտ են նախաձեռնող և պատրաստ փոփոխությունների: «Կրթության ոլորտի հիմնախնդիրները. կառավարության կատարած աշխատանքն ու ապագա ծրագրերը» թեմայով քննարկման ժամանակ ասաց ՀՀ ԿԳ փոխնախարար Հովհաննես Հովհաննիսյանը:
«Երբ խոսում ենք դպրոցների տնօրենների կամ բուհերի ղեկավարների հետ, տեսնում ենք, որ բավականին ազատություն ունեն իրենց գործունեության մեջ, բայց, ցավոք, ոչ բոլոր դեպքերում են նախաձեռնող և պատրաստ փոփոխությունների: Այսինքն՝ շատ հարցերում ակնկալում են նախարարության կողմից գործողություններ»,- հավելեց պաշտոնյան:
Նրա խոսքով՝ երկրում տեղի ունեցած փոփոխություններից հետո ժառանգություն մնաց բավական շատ խնդիրներով համակարգ: Ըստ Հովհաննիսյանի՝ ոլորտում նպատակադրված խնդիրները բավական շատ էին, սակայն ոչ ամբողջական ծավալով հնարավոր եղավ իրականացնել:
«Բայց մի քանի կարևոր առանձնահատկություն. մենք տարիներ շարունակ խոսում էինք կրթական հաստատությունների ապաքաղաքականացման մասին, և այդ պրոցեսը սկսվեց: Չեմ կարող ասել, որ ամբողջությամբ ավարտվել է: Կարելի է ասել՝ ձեռքբերումներ կան, բայց այստեղ խնդիրը նաև մշակութային դաշտում է, որովհետև մարդիկ տարիներ շարունակ սովորել էին այլ մշակութային համակարգում աշխատել»,- ասաց Հովհաննես Հովհաննիսյանը:
Մանրամասները՝ տեսանյութում;
