08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Քննարկվել են Հայաստանում երեխաների իրավունքների պաշտպանության հարցեր
Հասարակություն
31.07.2017 | 19:33
ՀՀ մարդու իրավունքների պաշտպանի և ՄԱԿ-ի մանկական հիմնադրամի միջև համագործակցության շրջանակում հուլիսի 29-30-ը Ծաղկաձորում տեղի է ունեցել «Երեխայի իրավունքների մշտադիտարկում. հիմնական հասկացություններն ու մոտեցումները» թեմայով երկօրյա դասընթաց:
Միջոցառման նպատակն էր զարգացնել Պաշտպանի աշխատակազմի համապատասխան ներկայացուցիչների կարողությունները երեխաների իրավունքների մշտադիտարկման ոլորտում:
Դասընթացին մասնակցում էին նաև ՄԱԿ-ի մանկական հիմնադրամի, Հայաստանի մանուկներ հիմնադրամի, «Սեյվ դը չիլդրեն ինթերնեշնլ» հայաստանյան ներկայացուցչության, «Վորլդ Վիժն Հայաստան» կազմակերպության եւ Երեխաների պաշտպանության ցանցի ներկայացուցիչները:
Ողջույնի խոսքի ժամանակ ՄԱԿ-ի մանկական հիմնադրամի հայաստանյան գրասենյակի ներկայացուցչի տեղակալ Լիվ Էլին Ինդրեյտեն բարձր է գնահատել Պաշտպանի աշխատակազմի և ՄԱԿ-ի մանկական հիմնադրամի համագործակցությունը և կարևորել նմանատիպ դասընթացների կազմակերպումը։
Հանդիպման ընթացքում քննարկվել են Հայաստանում երեխաների իրավունքների պաշտպանության իրավիճակային գնահատման, այդ թվում՝ երեխաների հանդեպ բռնությունների իրավիճակային վերլուծությանն առնչվող հարցեր: Անդրադարձ է կատարվել նաև Մարդու իրավունքների պաշտպանի տարեկան հաղորդման հիմնական մարտահրավերներին և առաջարկություններին:
