07.07.2026 | 13:47
«Փյունիկ»-ը մեկնել է Մալթա
Ռոսսելխոզնադզորը որոշ ապրանքների ներմուծման սահմանափակում է մտցնում, այդ թվում՝ Հայաստանից
Տնտեսություն
27.12.2018 | 12:05
Ռոսսելխոզնադզորը դեկտեմբերի 30-ից սահմանափակում է Հայաստանից, Ղազախստանից, Իտալիայից, Բելգիայից և Նիդեռլանդներից մի շարք ձեռնարկությունների արտադրանքի մատակարարումները՝ կապված սանիտարական պահանջների խախտման հետ: Այս մասին տեղեկանում ենք գերատեսչության հաղորդագրությունից:
«Ռոսսելխոզնադզորի լաբորատորիաներում հայտնաբերվել են Եվրասիական տնտեսական միության և Ռուսաստանի սանիտարական պահանջների խախտումներ կենդանական ծագման արտադրանքում, որոնք Ռուսաստան են ներմուծվել Հայաստանից, Ղազախստանից, Իտալիայից, Բելգիայից և Նիդեռլանդներից: Խախտումների կրկնակի բացահայտման հետ կապված՝ 2018 թվականի դեկտեմբերի 30-ից ժամանակավոր Ռուսաստան մի շարք ձեռնարկությունների կենդանական ծագման արտադրանքի մատակարարման սահմանափակումներ է սահմանվում»,- ասված է հաղորդագրությունում:
Նշենք, որ սահմանափակումն առնչվում է հայկական «Թրեյդինգ Հաուս Խավիարոֆֆ» և «Ռիչ Ֆուդ» ընկերություններին՝ մանրէաբանական ցուցանիշներին արտադրանքի անհամապատասխանության հետ կապված:
