22.05.2026 | 21:36
12-ամյա Լինա Հակոբյանը որոնվում է որպես անհետ կորած
Արամ Հարությունյանի հրաժարականից հետո Վարդենիսում արտահերթ ընտրություն կանցկացվի․ օրը հայտնի է
Քաղաքականություն
27.12.2018 | 11:50
Հայաստանի Հանրապետության Գեղարքունիքի մարզի Վարդենիս համայնքի ղեկավար Արամ Հարությունյանը 2018 թվականի դեկտեմբերի 2-ին հրաժարականի դիմում էր ներկայացրել և մինչ այժմ համայնքը նոր ղեկավար չունի, ուստի Կառավարության դեկտեմբերի 27-ի նիստում ընդունվեց որոշում Գեղարքունիքի մարզի Վարդենիս համայնքում արտահերթ ընտրություններ անցկացնելու վերաբերյալ։
«Հայաստանի Հանրապետության ընտրական օրենսգիրք» սահմանադրական օրենքի 122-րդ հոդվածի համաձայն՝ «Համայնքի ղեկավարի արտահերթ ընտրությունն անցկացվում է սույն օրենսգրքի 120-րդ հոդվածի 1-ին մասով սահմանված օրերից այն օրը, որ պահպանվեն ընտրությունների կազմակերպման և անցկացման համար սույն հոդվածով սահմանված ժամկետները:»: Կենտրոնական ընտրական հանձնաժողովի նախագահի 2018 թվականի հուլիսի 17-ի №26-Ա որոշմամբ սահմանված մոտակա օրն է 2019 թվականի փետրվարի 17-ը: Գեղարքունիքի մարզի Վարդենիս համայնքի ղեկավարի արտահերթ ընտրության անցկացման համար առաջարկվում է այդ օրը»,- ասված է որոշման նախագծում։
Հիշեցնենք, որ Արամ Հարությունյանն իր հրաժարականի դիմումի մեջ նշել էր, որ իր այդ քայլը քաղաքական դրդապատճառ չունի և պայմանավորված է զուտ ընտանեկան խնդիրներով:
Նշենք, որ ՀՀԿ անդամ Արամ Հարությունյանը Վարդենիս համայնքի ղեկավար է ընտրվել 2017 թվականի նոյեմբերի 5-ին կայացած ՏԻՄ ընտրությունների արդյունքներով։
