18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Պաշտպանի աջակցությամբ վերականգնվել է դիմումատուի որդու «հաշմանդամ երեխա» կարգավիճակը
Հասարակություն
27.12.2018 | 11:30
Քաղաքացին դիմել է Մարդու իրավունքների պաշտպանին որդու նկատմամբ հաշմանդամության սահմանման վերականգնման նպատակով։ Վերջինս տեղեկացրել է, որ իր որդին մանկուց ունի հաշմանդամություն, հաշվառված է հիվանդանոցում, որտեղ պարբերաբար իրականացվում են բժշկական հետազոտություններ, սակայն բժշկասոցիալական վերափորձաքննության ժամանակ, առանց բժշկական փաստաթղթերն ուսումնասիրելու, որոշում են կայացրել որդուն «հաշմանդամ երեխա» կարգավիճակ չսահմանել:
Մարդու իրավունքների պաշտպանի աշխատակազմում սկսված քննարկման ընթացակարգի շրջանակում Աշխատանքի և սոցիալական հարցերի նախարարության ԲՍՓ գործակալությունը կազմակերպել է վերափորձաքննություն հանձնաժողովի ընդլայնված կազմով` Առողջապահության նախարարության համապատասխան մասնագետների մասնակցությամբ: Վերափորձաքննությանը ուսումնասիրվել են բժշկական փաստաթղթերը և կրկին «հաշմանդամ երեխա» կարգավիճակ չի սահմանվել։
Մարդու իրավունքների պաշտպանի ներկայացուցչի իրավական խորհրդատվությամբ երեխան ևս մեկ անգամ ԲՍՓ հանձնաժողովում մասնակցել է բժշկասոցիալական վերափորձաքննության` ներկայացնելով առողջական խնդիրները հավաստող նոր բժշկական փաստաթղթեր: Արդյունքում, սահմանվել է «հաշմանդամ երեխա» կարգավիճակ երկու տարի ժամկետով։
