Նախարարներին կից կստեղծվեն հասարակական խորհուրդներ․ ՏԵՍԱՆՅՈՒԹ

Արդարադատության նախարարի պաշտոնակատար  Արտակ Զեյնալյանն այսօր Կառավարության հավանությանը ներկայացրեց որոշման նախագիծ, որով առաջարկվում է նախարարներին կից ստեղծել հասարակական խորհուրդներ՝ նախարարության խնդիրների և նպատակների իրականացման ընթացքում քաղաքացիական հասարակության մասնակցության ապահովման նպատակով։

Ինչպես նշված է որոշման նախագծում, ըստ ակնկալվող արդյունքների, այս հասարակական խորհուրդն աջակցելու է նախարարության խնդիրների և նպատակների առավել արդյունավետ իրականացմանը՝ ներկայացնելով առաջարկություններ և դիտողություններ նախարարության կողմից վարվող ընդհանուր քաղաքականության առավել արդյունավետ իրականացման վերաբերյալ,

հասարակական կազմակերպությունների կամ այլ շահագրգիռ անձանց մասնակցությամբ քննարկելու է  հասարակության տարբեր շերտերի կարծիքներն ու տեսակետները նախարարության խնդիրների և նպատակների իրականացման վերաբերյալ,

ներկայացնելու է առաջարկություններ և դիտողություններ` նախարարության կողմից շրջանառվող իրավական ակտերի, հայեցակարգերի, ռազմավարությունների և միջոցառումների ծրագրերի և այլ աշխատանքների վերաբերյալ։

Նախագծի ընդունման արդյունքում կկանոնակարգվի ՀՀ նախարարին կից ստեղծվող հասարակական խորհրդի գործունեությունը՝ նպաստելով հանրային մասնակցության և նախարարությունների գործունեության թափանցիկության և հաշվետվողականության բարձրացմանը:

Մանրամասները՝ տեսանյութում։